PAREMBHAGAN

                                               Hesbullah

Cong sengko’ lamasenga’ ka ba’na

Bara’ temorra ja’ sampek loppa

Mata are la paste compet

Mon ta’ siang ya malem

Sengko’ kodhu masenga’, masenga’

Maske sengko’ dhibi’ tak taoh, bileh?

Apa sengko’ paghi’ andhi’ otabha

Tapanggi kalaban se amorbha jhagat

Cong...., ejhaman se pon mardhika

Gi’ bhada bhai parembhagan se akoto’

Ebhudina dhapor

Jhanji kene’ sampe’ rajah

Eantarana bhagto

Cong, apa separlo ekoca’ agi

Bhila bannya’ papanggian se ta’ tabukka’

Edhalem roma rowa!

read more

AMBHA' PATEH

Hesbullah

Sorat reya aropaagi kapotosen bulen mei kosong sanga’

Etoles dhalem kamar kalaban ka badha’an genteng bucor

Aing nyapcap tak malontor mangsen se pon ejasek

                                                                                        Sareng ma’kaeh

Oreng-oreng padha abhariung

Ja’ Busadin etangkep, ban

Misnadin lolos dhalem parkara

Aing sakolla se-ekaraop rengbhareng

Sorat reya aropa’agi sorat sakte

Polana sakabbina oreng Sorbaja

ban reng Jakarta padha ngiding

                                                                serrona

napa pole se-ekoca’ bakkella ba’ aba’an

sepon ekapolong tedung

ban ngiddah dalem mimpena

du....Guste

reng penter ban reng ngarte

ta’ ngastete

saengga ambha’ pateh

read more

ONCOR LEB-KELLEBBHAN

                                                                                                               Hesbullah

Dari ponca bara’ ampon etopeh saroninah

Bang-tabangan ban ngacerreng suaranah

Alabbhu neng ojhana

Ngalesser santa’ anginah

Napok nampeleng ropanah

Labang temor tabukka’

Ngatore lenggi

Nira’e jhalan se lema’

Tapangghi dalem ate

Neng manengneng bhucor e dalem roma

Takerjhad e dalem kotta

Aorag sakellarra

Grimingen buluna kole’

Labang temor tabukka’

Ngatore lenggi

Abhirji’

Sokma

Saporana

Aba’

Bhiru ngapote akoba’ etengnga tase’

Abarbar omba’ salanjhanga

Ngarembeng aing mata

Nyapcap e dhisa

Apokpak e kotta

read more

PANAONGAN

                                                  Hesbullah
Madhura maddhuna sagara
ampon nyalepsep e dada
aba' tengate me'ame' ta' tapaleco
bisa jhejjher ajhalani odi'

Du ghuste aba' medded kadhibi', epangkeng
eka'dissa ranca' ta' sakone' se sempal
angin kalang busbus
reng oreng abhariungan
bhala' taon
bhala' taon
bhala' taon

Du ghuste bhalai tada' sengaonenge
engsel akariyek malar mogha aba' pagghun
asela neng pangaobhan
nginyem manissa maddhu

read more

BHARINGSANG

                                            Hesbullah
Majuh kabbi padha ajar
ajar maca Alib, Ba', Ta' na kabadha'an
para' siang ajem akoronno'
are para' ngombhara
bulan sem mesem semmo todhus
nyalengseng mole kabara'

maju kabbi padha ajar
ajar noles kadhaddian bhari'

kaka' ta bharengka'
nyengngirtadha' todhussa
aba' jhang-taghujang ta' teppa' manjhang
eppa' sem-mesem ngabhas
kacong ta' kenning pellang
alenteng bharingsang
epenggir tase' akerbai
pangarep, se akompol
acareta salebhare
tase'

siang malem
padha bhai
posang!

read more

TOS ANTOSEN

                               Hesbullah

Malemmah banya' se ekarembak
se ekacaca ce' bannya'na
ya, mahasiswa, pejabat, ban penjahat
ta' etemmo olo onjurra
sampe' ghimeng se motos aghia
sapa se epamaso'a
kabbhi pada lapar dalem laparra
dhineng bhusadin ret-ngaret pate' koros
posang elegghana
pon badana kadhaddhian
"palang pojhur di' andi'ana"
                             nyelle' salana

dhineng nengrat oca'na pada ngarte
hokom sabab
tos antosan
sabab kaula ngoca'aghia maksod da' panjhennengan
kabbi pas pada atanya
"ba'na reya sapa?"

sateya keya reng-oreng acareta kasta
ta' akor e dalem roma
pettong taon se tapongkor da' iya keya, sapa se tao
ka kobasaan eangghep din  dhibi'
tada' pole se dhaddhi parembhaghan
tape saleng alerek
ajaga nyama salanjhanga taneyan, ban
omorra aba' sajan korang

careta kabada'an, ban pantessa ekadhungngeng
bila kacong ban cebbhing pada ngantos
e koto' aghi sajhan loppa dalem sibu'na
dhari dimma labang se ta bukka'

                                        Mekkasen2009

read more

Nèmor Kara

Karya: Hesbullah

Nèmor kara ka’atè kaulâ

abâ’posang ètebbhâna

kaka’èlang katon lebkellebhân

nyellem èsaghârâ kona

kokona parana

aponapa abâ’ghi’ta’renna

du bila bhinarenggha atè

tapangghi ta’posang polè

bisa ajhejjher asalaman

bisa alanggoi lemsellemman

banne è saghârâna orèng laèn

bilâ kèrana

bhâsa alos bhâsa kasar sar-nyasar

adu kaka’kacong bân cebbhing padâ posang

nèmor kara ka’

atè bula

read more